Gästebuch

Hinterlass‘ uns doch einen Kommentar! 😉

6 Gedanken zu „Gästebuch“

  1. Heeii Motzer’s
    Ha widr mau e Blick uf öii Site gwoorfe umr dänkt, dasi doch au die nöiie Lüt mau mues cho luege u lose! 🙂
    Fröie mi riisig ufd Bärnerfasnacht u öich aui widr mau z gseh!:)
    Bis glii

    Liebs Grüessli Misch (Schneider)

  2. Hallöle zäme
    ÄNDLECH schaffenis doch no! Hei mi paar läschtegi Winterchäfer belageret, drum ersch itz: MERCI VIU MAU, dass dir ou das Jahr wider a üser Fasnacht mit gmacht heit> fägt immer wider mit öich !:-)) Wünsche öich no äs gmüetlechs Usklinge vor schönschte Jahreszit*..*… äs schletzigs Grüessli us Burgdorf, Doris /Gugge Noteschletzer

  3. Schlierner Fasnacht am Fritig / Samschtig 03. / 04. Februar 2012
    Fritig 03. Februar
    20:08 Uhr Ychüblete vor dr Aula Blindemoos mit dä Schlierner
    TONSCHiiSSER und Le Furz de Bärn.
    Aschliessend Barbetrieb im Foyer (geheizt)

    Samschtig 04. Februar
    Start 13:44 mit am Umzug dür Schliern mit aschliessendem
    Monschterkonzärt und grosser Chinderfasnacht mit viu Spiu
    und Spass und Musig in und vor dr Aula Blindemoos.

    Am Abe ab 20:08 Uhr grosse, traditionelle Maskeball zum
    Thema „ Schliern spiut“ mit ufwändiger, mottogetreue
    und neugstalteter Saaldeko und dä Gaschtguggene

    – Aaregusler / BE
    – Aerdwybli Schränzer / BL
    – Dütschbach Schlorggeschlüüpfer / FR
    – La Gugg au Vin / BE
    – Le Furz de Bärn / BE

    und natürlech mit dä Gaschtgäber Schlierner TONSCHiiSSER
    und Schlierner DingsPums

    Maskeprämierig, div.Bars, Food und dr DJ KAI runde z’Programm ab

    Chömet cho fasnächtle und feschte und gniesset das einmalige
    Feeling im Häxechessu vo Schliern.

    öi Schlierner TONSCHiiSSER

  4. Liebi Fasnachtsfründe

    Scho bau faht die neuii Sasion a und Münsige isch dises Jahr mau eini vode erschte. Aber das heisst nid dases weniger spezieue isch. Mir hei viu ds fiire. E CD-Toufi vode Notäfrässer. Neuii Kostüm vode Chlepfschytter und de Notäfrässer und natürlech es ungloublechs Jubiläum… 40 Jahr Guggemusig Münsige. Das döfter eifach nid verpasse. Mit Gastgugge vo Nöch u Färn dörfe mir üses Programm dises Jahr schmücke. Mitem Motto „Früsch Gstriche“ freue mir üs öich ar Fasnacht Münsige am 13. und 14. Januar de dörfe zbegrüesse. E gueti Zyt u bis denn.

    Guggemusig Notäfrässer
    Guggemusig Chlepfschytter

    http://www.notaefraesser.ch
    http://www.chlepfschytter.ch

  5. 11.11. – 11.11: La Grande bouffe 21.10.2011
    Hast du Schwein – kommst du rein: Wahldinner: An der grossen Tafel auf dem Bärenplatz versüsst durch Berns Narren. 11.11.2011: 11 vor 11 bis 11 nach 11 auf dem Bärenplatz.

    Am Abend findet eine grosse Fasnachtsparty auf dem Schmiedeplatz statt:
    17.30 – 17.50 Bärengrabenschränzer
    18.00 – 18.20 Tabularasa
    18.30 – 18.50 Le Furz de Bärn
    19.00 – 19.20 nullAcht12
    19.30 – 19.50 Guggemotzer
    20.00 – 20.20 Rhythmushüpfer
    20.30 – 20.50 Altstadt Mutzen
    21.00 – 21.20 Schlierner TONSCHiiSSER
    21.30 – 21.50 Aaregusler
    22.00 – 22.20 Notäfrässer
    22.30 – 22.50 Pläfä Fleglä

    Zwüsche 12.00h u 13.30h isch Mittagsrueh – ab de 10.00h am Abe isch Nachtrueh! Usnahm: Bim Schmiedeplatz isch de ab de 11.00h Nachtrueh!